Katharina, das Grosi

[oder die andere nie gehaltene Trauerrede]

"Liebi Truurgäscht,
dass Ihr do sind, freut mi sehr. I werde mi churz fasse.

S'Grosi isch für mi s'beschte Grosi gsi won'i mir han chönne wünsche. Si isch stolz gsi uf ihri Enkelchind und hett üs da au loh wüsse. Halb im Spass, halb im Ernscht han i ihre mol gseit, dass jede die Enkelchind hett, won'er verdient. Do hemmer beide glachet, luut glachet.
Wie aber mir s'Grosi verdient hend, weiss i nöd.

Liebe Truurgäscht,
s'Grosi isch nümme do. Aber jede vo Eu hett Erinnerige a s'Grosi: glückliche Erinnerige, truurigi Erinnerige. I dene Erinnerige lebt en Teil vom Grosi wiiter.

Grosi, i werd Di nöd vergesse."

PS: Ereignisse, wie ein Todesfall wecken Emotionen. Und diese kehren von Zeit zu Zeit wieder zurück. Diese Trauerrede entstand während einer schlaflosen Nacht mit eben solchen Emotionen.